KHak hun lekin sarapa nur hai mera wajud
is zamin par chand suraj ka numainda hun main

Anwar Sadeed

---

---

khuli zaban to zarf un ka ho gaya zahir
hazar bhed chhupa rakkhe the KHamoshi mein

Anwar Sadeed

---

---

koi bhi pechidgi hael nahin anwar-'sadid'
zindagi hai samne manzar-ba-manzar aur main

Anwar Sadeed

---

---

pankh hila kar sham gai hai is aangan se
ab utregi raat anokhi yaadon wali

Anwar Sadeed

---

---

sail-e-zaman mein Dub gae mashhur-e-zamana log
waqt ke munsif ne kab rakkha qaem un ka nam

Anwar Sadeed

---

---

shikwa kiya zamane ka to us ne ye kaha
jis haal mein ho zinda raho aur KHush raho

Anwar Sadeed

---

---

tu jism hai to mujh se lipaT kar kalam kar
KHushbu hai gar to dil mein simaT kar kalam ka

Anwar Sadeed

---

---