itna sannaTa hai kuchh bolte Dar lagta hai
sans lena bhi dil o jaan pe giran hai ab ke

Anvar Mahmood Khalid

---

---

jo ho saka na mera us ko bhul jaun main
parai aag mein kyun ungliyan jalaun main

Anvar Mahmood Khalid

---

---

aankhon mein ghul na jaen kahin zulmaton ke rang
jis samt raushni hai udhar dekhte raho

Anvar Moazzam

---

---

aao dekhen ahl-e-wafa ki hoti hai tauqir kahan
kis mahfil ka nam hai maqtal khinchti hai shamshir kahan

Anvar Moazzam

---

---

dhuan uThta nazar aata hai har-su
abhi aabaad hai virana dil ka

Anvar Moazzam

---

---

dilon ki aag baDhao ki log kahte hain
charagh-e-husn se raushan jahan nahin hota

Anvar Moazzam

---

---

ek aawaz to gunji thi ufuq-ta-ba-ufuq
karwan gum hai kahan gard-e-safar se puchho

Anvar Moazzam

---

---