ek manzar mein peD the jin par chand kabutar baiThe the
ek bachche ki lash bhi thi jis ke kandhe par basta tha

Anjum Tarazi

---

---

jis din shahr jala tha us din dhup mein kitni tezi thi
warna is basti par 'anjum' baadal roz barasta tha

Anjum Tarazi

---

---

sachchai ki KHushbu ki ramaq tak na thi un mein
wo log jo bazar-e-hunar khole hue the

Anjum Tarazi

---

---

ye alamat kaun si hai kis se puchhun ai hawa
pahli rut mein har shajar par zard patta dekhna

Ansar Ali Ansar

---

---

dil se nikli hui har aah ki tasir mein aa
mang le rab se mujhe aur meri taqdir mein aa

Anvar Kaifi

---

---

gharib bhuk ki Thokar se KHun KHun hue
kisi amir ko ab to lahu ki bas aae

Anvar Kaifi

---

---

hijr kahte hain kise ye mujhe malum nahin
kya karunga main tujhe ai shab-e-furqat le ka

Anvar Kaifi

---

---