sath barish mein liye phirte ho us ko 'anjum'
tum ne is shahr mein kya aag lagani hai koi

Anjum Saleemi

---

---

sabhi darwaze khule hain meri tanhai ke
sari duniya ko mayassar hai rifaqat meri

Anjum Saleemi

---

---

shab-e-jamal salamat rahen tere pari-zad
jinhen main KHwab sunata hun raqs karta hun

Anjum Saleemi

---

---

tere andar ki udasi ke mushabah hun main
KHal-o-KHad se nahin aawaz se pahchan mujhe

Anjum Saleemi

---

---

Thik se yaad bhi nahin ab to
ishq ne mujh mein kab qayam kiya

Anjum Saleemi

---

---

tujh se ye kaisa talluq hai jise jab chahun
KHatm kar deta hun aaghaz bhi kar leta hun

Anjum Saleemi

---

---

tum akele mein mile hi nahin warna tum ko
aur hi tarah ke ek shaKHs se milwata main

Anjum Saleemi

---

---