main chiKHta raha kuchh aur bhi hai mera ilaj
magar ye log tumhaara hi nam lete rahe

Anjum Saleemi

---

---

main dil-e-girafta tujhe gungunata rahta hun
bahut dinon se mere yar zer-e-lab hai tu

Anjum Saleemi

---

---

main ek ek tamanna se puchh baiTha hun
mujhe yaqin nahin aata ki mera sab hai tu

Anjum Saleemi

---

---

main jis charagh se baiTha tha lau lagae hue
pata chala wo andhere mein rakh raha tha mujhe

Anjum Saleemi

---

---

main KHud se mil ke kabhi saf saf kah dunga
mujhe pasand nahin hai mudaKHalat apni

Anjum Saleemi

---

---

main sab ka sab mohabbat ke liye hun
so la-mahdud muddat ke liye hun

Anjum Saleemi

---

---

mere chehre pe hain aanhken mere sine mein hai dil
is liye teri hifazat nahin kar sakta main

Anjum Saleemi

---

---