kisi tarah se main Tal jaun apni marzi se
so bar bar irada badal ke dekhta hun

Anjum Saleemi

---

---

kisi tarah se nazar mutmain nahin hoti
har ek shai ko dobara badal ke dekhta hun

Anjum Saleemi

---

---

kuchh to khinchi khinchi si thi saat visal ki
kuchh yun bhi fasle pe mujhe rakh diya gaya

Anjum Saleemi

---

---

mazarat raunde hue phulon se kar lun to chalun
muntazir shahr mein taKHir se aaya hua main

Anjum Saleemi

---

---

man ki dua na bap ki shafqat ka saya hai
aaj apne sath apna janam din manaya hai

Anjum Saleemi

---

---

main aaj KHud se mulaqat karne wala hun
jahan mein koi bhi mere siwa na rah jae

Anjum Saleemi

---

---

main andhere mein hun magar mujh mein
raushni ne jagah bana li hai

Anjum Saleemi

---

---