main ne suraj ki tarah KHud ko banaya jis din
dekhne aaenge ye maghrib-o-mashriq mujh ko

Anjum Barabankvi

---

---

mashhur bhi hain badnam bhi hain KHushiyon ke nae paigham bhi hain
kuchh gham ke baDe inam bhi hain paDhiye to kahani kaam ki hai

Anjum Barabankvi

---

---

mearaj-e-aqidat hai ki tawiz ki surat
bazu pe koi KHak-e-watan bandhe hue hai

Anjum Barabankvi

---

---

mujhe sone ki qimat mat batao
main miTTi hun meri azmat bahut hai

Anjum Barabankvi

---

---

shohrat ki raushni ho ki nafrat ki tirgi
kya kya use diya hai KHuda ne pata karo

Anjum Barabankvi

---

---

tujhe to kitni bahaaren salam bhejengi
abhi ye phul sa chehra zara sambhaal ke rakh

Anjum Barabankvi

---

---

ye baadshah nahin hai faqir hai suraj
hamesha raat ki jholi se din nikalta hai

Anjum Barabankvi

---

---