kitni pamal umangon ka hai madfan mat puchh
wo tabassum jo haqiqat mein fughan hota hai

Amir Usmani

---

---

meri zindagi ka hasil tere gham ki pasdari
tere gham ki aabru hai mujhe har KHushi se pyari

Amir Usmani

---

---

sabaq mila hai ye apnon ka tajraba kar ke
wo log phir bhi ghanimat hain jo parae hain

Amir Usmani

---

---

us ke wadon se itna to sabit hua us ko thoDa sa pas-e-talluq to hai
ye alag baat hai wo hai wada-shikan ye bhi kuchh kam nahin us ne wade kiye

Amir Usmani

---

---

ye qadam qadam balaen ye sawad-e-ku-e-jaanan
wo yahin se lauT jae jise zindagi ho piyari

Amir Usmani

---

---

zahiran toD liya hum ne buton se rishta
phir bhi sine mein sanam-KHana basa hai yaro

Amir Usmani

---

---

aas kya ab to umid-e-na-ummidi bhi nahin
kaun de mujh ko tasalli kaun bahlae mujhe

Amirullah Tasleem

---

---