aushan alao hote hi aaya tarang mein
wo qissa-go KHud apne mein ek dastan tha

Amir Hamza Saqib

---

---

tah kar chuke bisat-e-gham-o-fikr-e-rozgar
tab KHanqah-e-ishq-o-mohabbat mein aae hain

Amir Hamza Saqib

---

---

teri KHushbu tera paikar hai mere sheron mein
jaan yunhi nahin ye tarz-e-misali mera

Amir Hamza Saqib

---

---

tumhaari zat hawala hai surKH-rui ka
tumhaare zikr ko sab shart-e-fan banate hain

Amir Hamza Saqib

---

---

tu aaya lauT aaya hai guzre dinon ka nur
chehron pe apne warna to barson ka zang tha

Amir Hamza Saqib

---

---

ye gard hai meri aankhon mein kin zamanon ki
nae libas bhi ab to purane lagte hain

Amir Hamza Saqib

---

---

hum KHuda bhi man lenge aap ko
aap pahle ho to jaen aadmi

Amir Mausavi

---

---