haar ke bhi nahin miTi dil se KHalish hayat ki
kitne nizam miT gae jashn-e-zafar ke baad bhi

Ali Jawwad Zaidi

---

---

hain wajud-e-shai mein pinhan azal o abad ke rishte
yahan kuchh nahin do roza koi shai nahin hai fani

Ali Jawwad Zaidi

---

---

hum ahl-e-dil ne meayar-e-mohabbat bhi badal Dale
jo gham har fard ka gham hai usi ko gham samajhte hain

Ali Jawwad Zaidi

---

---

hijr ki raat ye har Dubte tare ne kaha
hum na kahte the na aaenge wo aae to nahin

Ali Jawwad Zaidi

---

---

jab chheDti hain un ko gumnam aarzuen
wo mujh ko dekhte hain meri nazar bacha ke

Ali Jawwad Zaidi

---

---

jab kabhi dekha hai ai 'zaidi' nigah-e-ghaur se
har haqiqat mein mile hain chand afsane mujhe

Ali Jawwad Zaidi

---

---

jin hauslon se mera junun mutmain na tha
wo hausle zamane ke meyar ho gae

Ali Jawwad Zaidi

---

---