kisi ki aankh ka tara hua karte the hum bhi to
achanak sham ka tara nazar aaya to yaad aaya

Ali Iftikhar Jafri

---

---

nind aati hai magar jag raha hun sar-e-KHwab
aankh lagti hai to ye umr guzar jaani hai

Ali Iftikhar Jafri

---

---

tum kisi sang pe ab sar ko Tika kar so jao
kaun sunta hai shab-e-gham ka fasana sar-e-rah

Ali Iftikhar Jafri

---

---

aankhon mein liye jalwa-e-nairang-e-tamasha
aai hai KHizan jashn-e-bahaaran se guzar ke

Ali Jawwad Zaidi

---

---

ab dard mein wo kaifiyat-e-dard nahin hai
aaya hun jo us bazm-e-gul-afshan se guzar ke

Ali Jawwad Zaidi

---

---

ab na wo shorish-e-raftar na wo josh-e-junun
hum kahan phans gae yaran-e-subuk-gam ke sath

Ali Jawwad Zaidi

---

---

aish hi aish hai na sab gham hai
zindagi ek hasin sangam hai

Ali Jawwad Zaidi

---

---