lazzat-e-dard mili ishrat-e-ehsas mili
kaun kahta hai hum us bazm se nakaam aae

Ali Jawwad Zaidi

---

---

mere hath suljha hi lenge kisi din
abhi zulf-e-hasti mein KHam hai to kya gham

Ali Jawwad Zaidi

---

---

monis-e-shab rafiq-e-tanhai
dard-e-dil bhi kisi se kam to nahin

Ali Jawwad Zaidi

---

---

muddaton se KHalish jo thi jaise wo kam si ho chali
aaj mere sawal ka mil hi gaya jawab kya

Ali Jawwad Zaidi

---

---

nazzara-e-jamal ki fursat kahan mili
pahli nazar nazar ki hadon se guzar gai

Ali Jawwad Zaidi

---

---

pi to lun aankhon mein umDe hue aansu lekin
dil pe qabu bhi to ho zabt ka yara bhi to ho

Ali Jawwad Zaidi

---

---

shauq-e-manzil ham-safar hai jazba-e-dil rahbar
mujh pe KHud bhi khul nahin pata kidhar jata hun main

Ali Jawwad Zaidi

---

---