isi liye to hai zindan ko justuju meri
ki muflisi ko sikhai hai sar-kashi main ne

Ali Sardar Jafri

---

---

kaam ab koi na aaega bas ek dil ke siwa
raste band hain sab kucha-e-qatil ke siwa

Ali Sardar Jafri

---

---

kami kami si thi kuchh rang-o-bu-e-gulshan mein
lab-e-bahaar se nikli hui dua tum ho

Ali Sardar Jafri

---

---

partaw se jis ke aalam-e-imkan bahaar hai
wo nau-bahaar-e-naz abhi rahguzar mein hai

Ali Sardar Jafri

---

---

phuTne wali hai mazdur ke mathe se kiran
surKH parcham ufuq-e-subh pe lahraate hain

Ali Sardar Jafri

---

---

purane sal ki ThiThuri hui parchhaiyan simTin
nae din ka naya suraj ufuq par uThta aata hai

Ali Sardar Jafri

---

---

pyas jahan ki ek bayaban teri saKHawat shabnam hai
pi ke uTha jo bazm se teri aur bhi tishna-kaam uTha

Ali Sardar Jafri

---

---