ye aur baat ki iqrar kar saken na kabhi
meri wafa ka magar un ko e'tibar to hai

Aleem Akhtar

---

---

afsana mohabbat ka pura ho to kaise ho
kuchh hai dil-e-qatil tak kuchh hai dil-e-bismil tak

Aleem Masroor

---

---

anjam-e-kashakash hoga kuchh dekhen to tamasha diwane
ya KHak uDegi gardun par ya farsh pe tare niklenge

Aleem Masroor

---

---

hiD ke KHauf se phir ghar ki taraf lauT aaya
ghar se jab shahr mein tanhai ke Dar se nikla

Aleem Masroor

---

---

jaane kya mahfil-e-parwana mein dekha us ne
phir zaban khul na saki shama jo KHamosh hui

Aleem Masroor

---

---

nikle teri mahfil se to sath na tha koi
shayad meri ruswai kuchh dur chali hogi

Aleem Masroor

---

---

uTh ke us bazm se aa jaana kuchh aasan na tha
ek diwar se nikla hun jo dar se nikla

Aleem Masroor

---

---