ye kahna haar na mani kabhi andheron se
bujhe charagh to dil ko jala liya kahna

Alamtaab Tishna

---

---

ye kahna tum se bichhaD kar bikhar gaya 'tishna'
ki jaise hath se gir jae aaina kahna

Alamtaab Tishna

---

---

kiraya-dar badalna to us ka shewa tha
nikal kar wo bahut KHush hua makan se mujhe

Aleem Afsar

---

---

sadaen jism ki diwar par karti hain
koi pukar raha hai magar kahan se mujhe

Aleem Afsar

---

---

tuyur the jo ghonslon mein paikaron ke uD gae
akele rah gae hain apne KHwab ke makan mein hum

Aleem Afsar

---

---

dard baDh kar dawa na ho jae
zindagi be-maza na ho jae

Aleem Akhtar

---

---

dard ka phir maza hai jab 'aKHtar'
dard KHud chaarasaz ho jae

Aleem Akhtar

---

---