آسمانوں سے فرشتے جو اتارے جائیں
وہ بھی اس دور میں سچ بولیں تو مارے جائیں

امید فاضلی

---

---

اے دوپہر کی دھوپ بتا کیا جواب دوں
دیوار پوچھتی ہے کہ سایہ کدھر گیا

امید فاضلی

---

---

چمن میں رکھتے ہیں کانٹے بھی اک مقام اے دوست
فقط گلوں سے ہی گلشن کی آبرو تو نہیں

امید فاضلی

---

---

گر قیامت یہ نہیں ہے تو قیامت کیا ہے
شہر جلتا رہا اور لوگ نہ گھر سے نکلے

امید فاضلی

---

---

گھر تو ایسا کہاں کا تھا لیکن
در بدر ہیں تو یاد آتا ہے

امید فاضلی

---

---

جانے کب طوفان بنے اور رستا رستا بچھ جائے
بند بنا کر سو مت جانا دریا آخر دریا ہے

امید فاضلی

---

---

جانے کس موڑ پہ لے آئی ہمیں تیری طلب
سر پہ سورج بھی نہیں راہ میں سایا بھی نہیں

امید فاضلی

---

---

جب سے امیدؔ گیا ہے کوئی!!
لمحے صدیوں کی علامت ٹھہرے

امید فاضلی

---

---

مقتل جاں سے کہ زنداں سے کہ گھر سے نکلے
ہم تو خوشبو کی طرح نکلے جدھر سے نکلے

امید فاضلی

---

---