dekh qasid ko mere yar ne puchha 'taban'
kya mere hijr mein jita hai wo ghamnak hanuz

Taban Abdul Hai

---

---

aaina ru-ba-ru rakh aur apni chhab dikhana
kya KHud-pasandiyan hain kya KHud-numaiyan hain

Taban Abdul Hai

---

---

ura na maniyo main puchhta hun ai zalim
ki be-kason ke satae se kuchh bhala bhi hai

Taban Abdul Hai

---

---

aad muddat ke mah-ru aaya
kyun na us ke gale lagun 'taban'

Taban Abdul Hai

---

---

ai mard-e-KHuda ho tu parastar butan ka
mazhab mein mere kufr hai inkar butan ka

Taban Abdul Hai

---

---

agar tu shohra-e-afaq hai to tere bandon mein
hamein bhi jaanta hai KHub ek aalam miyan-sahi

Taban Abdul Hai

---

---

aatish-e-ishq mein jo jal na maren
ishq ke fan mein wo anari hain

Taban Abdul Hai

---

---

aata nahin wo yar-e-sitamgar to kya hua
koi gham to us ka dil se hamare juda nahin

Taban Abdul Hai

---

---

aata hai mohtasib pae-tazir mai-kasho
pagDi ko us ki phenk do daDhi ko lo ukhaD

Taban Abdul Hai

---

---