hawa bhi ishq ki lagne na deta main use hargiz
agar is dil pe hota hae kuchh bhi iKHtiyar apna

Taban Abdul Hai

---

---

hijr mein us but-e-kafir ke taDapte hain paDe
ahl-e-zunnar kahin sahib-e-islam kahin

Taban Abdul Hai

---

---

ho ruh ke tain jism se kis tarah mohabbat
tair ko qafas se bhi kahin ho hai mohabbat

Taban Abdul Hai

---

---

iman o din se 'taban' kuchh kaam nahin hai hum ko
saqi ho aur mai ho duniya ho aur hum hon

Taban Abdul Hai

---

---

in buton ko to mere sath mohabbat hoti
kash banta main barahman hi musalman ke ewaz

Taban Abdul Hai

---

---

jab talak rahe jita chahiye hanse bole
aadmi ko chup rahna maut ki nishani hai

Taban Abdul Hai

---

---

jis ka gora rang ho wo raat ko khilta hai KHub
raushnai shama ki phiki nazar aati hai subh

Taban Abdul Hai

---

---

kai bari bina ho jis ki phir kahte hain TuTega
ye hurmat jis ki ho ai shaiKH kya tera wo makka hai

Taban Abdul Hai

---

---

kai faqon mein id aai hai
aaj tu ho to jaan ham-aghosh

Taban Abdul Hai

---

---