garm az-bas-ki hai bazar-e-butan ai zahid
rashk se TukDe hua hai hajar-aswad bhi

Taban Abdul Hai

---

---

ek bulbul bhi chaman mein na rahi ab ki fasal
zulm aisa hi kiya tu ne ai sayyaad ki bas

Taban Abdul Hai

---

---

dun sari KHudai ko ewaz un ke main 'taban'
koi mujh sa bata de tu KHaridar butan ka

Taban Abdul Hai

---

---

duniya ki nek o bad se mujhe kuchh KHabar nahin
itna nahin jahan main koi be-KHabar ki hum

Taban Abdul Hai

---

---

dil ki hasrat na rahi dil mein mere kuchh baqi
ek hi tegh laga aisi ai jallad ki bas

Taban Abdul Hai

---

---

dekh qasid ko mere yar ne puchha 'taban'
kya mere hijr mein jita hai wo ghamnak hanuz

Taban Abdul Hai

---

---

dard-e-sar hai KHumar se mujh ko
jald le kar sharab aa saqi

Taban Abdul Hai

---

---

hai kya sabab ki yar na aaya KHabar ke tain
shayad kisi ne haal hamara kaha nahin

Taban Abdul Hai

---

---

aad muddat ke mah-ru aaya
kyun na us ke gale lagun 'taban'

Taban Abdul Hai

---

---