kabhu jo shaiKH dikhaun main apne but ke tain
ba-rabb-e-kaba tujhe hasrat-e-haram na rahe

Shaikh Zahuruddin Hatim

---

---

kabhu pahunchi na us ke dil talak rah hi mein thak baiThi
baja is aah-e-be-tasir par tasir hansti hai

Shaikh Zahuruddin Hatim

---

---

kabhu tu ro to us ko KHak upar ja ke ai laila
ki bin pani jangal mein ruh majnun ki bhaTakti hai

Shaikh Zahuruddin Hatim

---

---

kahan hai dil jo kahun howe aa ke diwana
ki us ki zulf ki KHali hai is ghaDi zanji

Shaikh Zahuruddin Hatim

---

---

kahen hum bahr-e-be-payan-e-gham ki mahiyat kis se
na lahron se koi waqif na koi thah jaane hai

Shaikh Zahuruddin Hatim

---

---

kaho to kis tarah aawe wahan nind
jahan KHurshid-ru ho aa ke ham-KHwa

Shaikh Zahuruddin Hatim

---

---

kaleja munh ko aaya aur nafas karne laga tangi
hua kya jaan ko meri abhi to thi bhali-changi

Shaikh Zahuruddin Hatim

---

---

kapDe safed dho ke jo pahne to kya hua
dhona wahi jo dil ki siyahi ko dhoiye

Shaikh Zahuruddin Hatim

---

---

kesar mein is tarah se aaluda hai sarapa
sunte the hum so dekha to shaKH-e-zafaran hai

Shaikh Zahuruddin Hatim

---

---