dekhne ke liye ek chehra bahut hota hai
aankh jab tak hai tujhe sirf tujhe dekhunga

Shahryar

---

---

dil pareshan ho magar aankh mein hairani na ho
KHwab dekho ki haqiqat se pashimani na ho

Shahryar

---

---

dil rijha hai tujh pe aisa bad-guman hoga nahin
tu nahin aaya to samjha tu yahan hoga nahin

Shahryar

---

---

ek hi miTTi se hum donon bane hain lekin
tujh mein aur mujh mein magar fasla yun kitna hai

Shahryar

---

---

gham ki daulat baDi mushkil se mila karti hai
saunp do hum ko agar tum se nigahbani na ho

Shahryar

---

---

gardish-e-waqt ka kitna baDa ehsan hai ki aaj
ye zamin chand se behtar nazar aati hai hamein

Shahryar

---

---

ghar ki tamir tasawwur hi mein ho sakti hai
apne naqshe ke mutabiq ye zamin kuchh kam hai

Shahryar

---

---

gulab Tahni se TuTa zamin par na gira
karishme tez hawa ke samajh se bahar hain

Shahryar

---

---

hai aaj ye gila ki akela hai 'shahryar'
tarsoge kal hujum mein tanhai ke liye

Shahryar

---

---