hum dikhaenge tamasha tujh ko phir sarw-e-chaman
dil se gar sarzad hamare nala-e-mauzun hua
Shah Naseer
aa ke salasil ai junun kyun na qadam le baad-e-qais
us ka bhi hum ne silsila az-sar-e-nau bapa kiya
Shah Naseer
ghazal is bahr mein kya tum ne likhi hai ye 'nasir'
jis se hai rang-e-gul-e-mani-e-mushkil Tapka
Shah Naseer
gardish-e-charKH nahin kam bhi hanDole se ki mahr
sham ko mah se uncha hai sahar hai nicha
Shah Naseer
gharaz na furqat mein kufr se thi na kaam islam se raha tha
KHayal-e-zulf-e-butan hi har dam hamein to lail-o-nahaar aaya
Shah Naseer
gale mein tu ne wahan motiyon ka pahna haar
yahan pe ashk-e-musalsal gale ka haar raha
Shah Naseer
dud-e-ah-e-jigari kaam na aaya yaro
warna ru-e-shab-e-hijr aur bhi kala karta
Shah Naseer
din raat yahan putliyon ka nach rahe hai
hairat hai ki tu mahw-e-tamasha nahin hota
Shah Naseer
dil-e-pur-abla laya hun dikhane tum ko
band ai shisha-garo! apni dukan kijiyega
Shah Naseer