ek aabla tha so bhi gaya KHar-e-gham se phaT
teri girah mein kya dil-e-andoh-gin raha

Shah Naseer

---

---

ho guftugu hamari aur ab us ki kyunki aah
us ke dahan nahin to hamari zaban nahin

Shah Naseer

---

---

hawa par hai ye buniyaad-e-musafir KHana-e-hasti
na Thahra hai koi yan ai dil-e-mahzun na Thahrega

Shah Naseer

---

---

hum wo falak hain ahl-e-tawakkul ki misl-e-mah
rakhte nahin hain nan-e-shabina bara-e-subh

Shah Naseer

---

---

hum hain aur majnun azal se KHana-parward-e-junun
us ne ki sahra-nawardi hum ne galiyan dekhiyan

Shah Naseer

---

---

hum dikhaenge tamasha tujh ko phir sarw-e-chaman
dil se gar sarzad hamare nala-e-mauzun hua

Shah Naseer

---

---

ghurur-e-husn na kar jazba-e-zuleKHa dekh
kiya hai ishq ne yusuf ghulam aashiq ka

Shah Naseer

---

---

ghazal is bahr mein kya tum ne likhi hai ye 'nasir'
jis se hai rang-e-gul-e-mani-e-mushkil Tapka

Shah Naseer

---

---

gardish-e-charKH nahin kam bhi hanDole se ki mahr
sham ko mah se uncha hai sahar hai nicha

Shah Naseer

---

---