hala wo husn kis ki dastaras mein aa saka hai
ki sari umr bhi likkhen maqala kam rahega
Saleem Kausar
aaina KHud bhi sanwarta tha hamari KHatir
hum tere waste tayyar hua karte the
Saleem Kausar
dekhte kuchh hain dikhate hamein kuchh hain ki yahan
koi rishta hi nahin KHwab ka tabir ke sath
Saleem Kausar
duniya achchhi bhi nahin lagti hum aison ko 'salim'
aur duniya se kinara bhi nahin ho sakta
Saleem Kausar
ek taraf tere husn ki hairat ek taraf duniya
aur duniya mein der talak Thahra nahin ja sakta
Saleem Kausar
hum ne to KHud se intiqam liya
tum ne kya soch kar mohabbat ki
Saleem Kausar
intizar aur dastakon ke darmiyan kaTti hai umr
itni aasani se to bab-e-hunar khulta nahin
Saleem Kausar
jo meri riyazat-e-nim-shab ko 'salim' subh na mil saki
to phir is ke mani to ye hue ki yahan KHuda koi aur hai
if for my midnight prayers, Saliim, a dawn there shall never be
then it means that in this world there is a God other than thee
Saleem Kausar
judai bhi na hoti zindagi bhi sahl ho jati
jo hum ek dusre se masala tabdil kar lete
Saleem Kausar