dekhte kuchh hain dikhate hamein kuchh hain ki yahan
koi rishta hi nahin KHwab ka tabir ke sath

Saleem Kausar

---

---

dast-e-dua ko kasa-e-sail samajhte ho
tum dost ho to kyun nahin mushkil samajhte ho

Saleem Kausar

---

---

hala wo husn kis ki dastaras mein aa saka hai
ki sari umr bhi likkhen maqala kam rahega

Saleem Kausar

---

---

ahut dinon mein kahin hijr-e-mah-o-sal ke baad
ruka hua hai zamana tere visal ke baad

Saleem Kausar

---

---

aur is se pahle ki sabit ho jurm-e-KHamoshi
hum apni rae ka izhaar karna chahte hain

Saleem Kausar

---

---

ajnabi hairan mat hona ki dar khulta nahin
jo yahan aabaad hain un par bhi ghar khulta nahin

Saleem Kausar

---

---

ai mere chaaragar tere bas mein nahin moamla
surat-e-haal ke liye waqif-e-haal chahiye

Saleem Kausar

---

---

ahl-e-KHirad ko aaj bhi apne yaqin ke liye
jis ki misal hi nahin us ki misal chahiye

Saleem Kausar

---

---

abhi hairat ziyaada aur ujala kam rahega
ghazal mein ab ke bhi tera hawala kam rahega

Saleem Kausar

---

---