مزا پڑا ہے قناعت کا عہد طفلی سے
میں سیر ہو کے نہ پیتا تھا شیر مادر کو

رند لکھنوی

---

---

پھیر لاتا ہے خط شوق مرا ہو کے تباہ
ذبح کر ڈالوں گا اب کی جو کبوتر بہکا

رند لکھنوی

---

---

پروں کو کھول دے ظالم جو بند کرتا ہے
قفس کو لے کے میں اڑ جاؤں گا کہاں صیاد

رند لکھنوی

---

---

پاس دیں کفر میں بھی تھا ملحوظ
بت کو پوجا خدا خدا کر کے

رند لکھنوی

---

---

پاؤں کے ہاتھ سے گردش ہی رہی مجھ کو مدام
چاک کی طرح سے کس روز مرا سر نہ پھرا

رند لکھنوی

---

---

ناز بے جا اٹھائیے کس سے
اب نہ وہ دل نہ وہ دماغ رہا

رند لکھنوی

---

---

مژدہ باد اے بادہ خوارو دور واعظ ہو چکا
مدرسے کھودے گئے تعمیر مے خانہ ہوا

رند لکھنوی

---

---

لائے گی گردش میں تجھ کو بھی مری آوارگی
کو بہ کو میں ہوں تو تو بھی در بدر ہو جائے گا

رند لکھنوی

---

---

لیلیٰ مجنوں کا رٹتی ہے نام
دیوانی ہوئی ہے بک رہی ہے

رند لکھنوی

---

---