maza paDa hai qanaat ka ahd-e-tifli se
main ser ho ke na pita tha shir-e-madar ko

Rind Lakhnavi

---

---

pher lata hai KHat-e-shauq mera ho ke tabah
zabh kar Dalunga ab ki jo kabutar bahka

Rind Lakhnavi

---

---

paron ko khol de zalim jo band karta hai
qafas ko le ke main uD jaunga kahan sayyaad

Rind Lakhnavi

---

---

pas-e-din kufr mein bhi tha malhuz
but ko puja KHuda KHuda kar ke

Rind Lakhnavi

---

---

panw ke hath se gardish hi rahi mujh ko mudam
chaak ki tarah se kis roz mera sar na phira

Rind Lakhnavi

---

---

naz-e-beja uThaiye kis se
ab na wo dil na wo dimagh raha

Rind Lakhnavi

---

---

muzhda-baad ai baada-KHwaro daur-e-waiz ho chuka
madrase khode gae tamir mai-KHana hua

Rind Lakhnavi

---

---

laegi gardish mein tujh ko bhi meri aawargi
ku-ba-ku main hun to tu bhi dar-ba-dar ho jaega

Rind Lakhnavi

---

---

laila majnun ka raTti hai nam
diwani hui hai bak rahi hai

Rind Lakhnavi

---

---