qismat to dekh TuTi hai ja kar kahan kamand
kuchh dur apne hath se jab baam rah gaya

Qayem Chandpuri

---

---

nazar mein kaba kya Thahre ki yan dair
raha hai muddaton maskan hamara

Qayem Chandpuri

---

---

pas-e-iKHlas saKHt hai taklif
ta-kuja KHatir-e-wazi-o-sharif

Qayem Chandpuri

---

---

pahle hi apni kaun thi wan qadr-o-manzilat
par shab ki minnaton ne Dubo di rahi sahi

Qayem Chandpuri

---

---

pahle hi gadha mile jahan shaiKH
us kaba ko hai salam apna

Qayem Chandpuri

---

---

parwane ki shab ki sham hun main
ya roz ki shama ki sahar hun

Qayem Chandpuri

---

---

puchho ho mujh se tum ki piyega bhi tu sharab
aisa kahan ka shaiKH hun ya parsa hun main

Qayem Chandpuri

---

---

'qaem' hayat-o-marg-e-buz-o-gaw mein hain nafa
is mardumi ke shor pe kis kaam ka hun main

Qayem Chandpuri

---

---

'qaem' jo kahen hain farsi yar
is se to ye reKHta hai behta

Qayem Chandpuri

---

---