dil pe aae hue ilzam se pahchante hain
log ab mujh ko tere nam se pahchante hain

Qateel Shifai

---

---

dad-e-safar mili hai kise rah-e-shauq mein
hum ne miTa diye hain nishan apne panw ke

Qateel Shifai

---

---

chalo achchha hua kaam aa gai diwangi apni
wagarna hum zamane bhar ko samjhane kahan jate

twas a good thing that my madness was to some avail
else, for my state, what other reason could the world I show?

Qateel Shifai

---

---

hum ko aapas mein mohabbat nahin karne dete
ek yahi aib hai is shahr ke danaon mein

Qateel Shifai

---

---

apni zaban to band hai tum KHud hi soch lo
paDta nahin hai yunhi sitam-gar kisi ka nam

Qateel Shifai

---

---

apne liye ab ek hi rah najat hai
har zulm ko raza-e-KHuda kah liya karo

Qateel Shifai

---

---

ahbab ko de raha hun dhoka
chehre pe KHushi saja raha hun

Qateel Shifai

---

---

achchha yaqin nahin hai to kashti Duba ke dekh
ek tu hi naKHuda nahin zalim KHuda bhi hai

Qateel Shifai

---

---

abhi to baat karo hum se doston ki tarah
phir iKHtilaf ke pahlu nikalte rahna

Qateel Shifai

---

---