dil pe aae hue ilzam se pahchante hain
log ab mujh ko tere nam se pahchante hain
aaina-dar-e-mohabbat hun ki arbab-e-wafa
apne gham ko mere anjam se pahchante hain
baada o jam bhi ek wajh-e-mulaqat sahi
hum tujhe gardish-e-ayyam se pahchante hain
pau phaTe kyun meri palkon pe sajate ho inhen
ye sitare to mujhe sham se pahchante hain
Ghazal
Dil pe aae hue ilzam se pahchante hain
Qateel Shifai