usi hur ki rangat uDi rone se hamare
rang-e-gul-e-firdaus bhi kachcha nazar aaya

Muneer Shikohabadi

---

---

ustad ke ehsan ka kar shukr 'munir' aaj
ki ahl-e-suKHan ne teri tarif baDi baat

Muneer Shikohabadi

---

---

wahan pahunch nahin saktin tumhaari zulfen bhi
hamare dast-e-talab ki jahan rasai hai

Muneer Shikohabadi

---

---

wahshat mein basar hote hain ayyam-e-shabab aah
ye sham-e-jawani hai ki saya hai hiran ka

Muneer Shikohabadi

---

---

wird-e-ism-e-zat khola chahta hai ye girah
mere dil par dant hai allah ki tashdid ka

Muneer Shikohabadi

---

---

yaad us but ki namazon mein jo aai mujh ko
tapish-e-shauq se har bar mein baiTha uTTha

Muneer Shikohabadi

---

---

zahido puja tumhaari KHub hogi hashr mein
but bana degi tumhein ye haq-parasti ek din

Muneer Shikohabadi

---

---

zinda-e-jawed hain mara jinhen us shoKH ne
bar-taraf jo ho gae un ki bahaali ho gai

Muneer Shikohabadi

---

---