maston mein phuT paD gai aate hi yar ke
laDta hai aaj shishe se shisha sharab ka
Muneer Shikohabadi
malte hain KHub-ru tere KHeme se chhatiyan
angiya ki Doriyan hain muqarrar qanat mein
Muneer Shikohabadi
main kya dikhai deti nahin bulbulon ko bhi
pahne to aise mil gae tere badan mein phul
Muneer Shikohabadi
main justuju se kufr mein pahuncha KHuda ke pas
kabe tak in buton ka mujhe nam le gaya
Muneer Shikohabadi
leTe jo sath hath laga bosa-e-dahan
aaya amal mein ilm-e-nihani palang pa
Muneer Shikohabadi
ki tark main ne shaiKH-o-barahman ki pairwi
dair-o-haram mein mujh ko tera nam le gaya
Muneer Shikohabadi
kibr bhi hai shirk ai zahid muwahhid ke huzur
le ke tesha KHaksari ka but-e-pindar toD
Muneer Shikohabadi
KHub tazir-e-gunah-e-ishq hai
naqd-e-jaan lena yahan jurmana hai
Muneer Shikohabadi
kis tarah KHush hon sham ko wo chand dekh kar
aata nahin hai mashal-e-mah ka dhuan pasand
Muneer Shikohabadi