us zulf pe phabti shab-e-dijur ki sujhi
andhe ko andhere mein baDi dur ki sujhi

Jurat Qalandar Bakhsh

---

---

wan se aaya hai jawab-e-KHat koi suniyo to zara
main nahin hun aap main mujh se na samjha jaega

Jurat Qalandar Bakhsh

---

---

wah main aur na aane ko kahunga tauba
main to hairan hun ye baat aap ne farmai kya

Jurat Qalandar Bakhsh

---

---

warasta kar diya jise ulfat ne bas wo shaKHs
kab dam-e-kufr o rishta-e-islam mein phansa

Jurat Qalandar Bakhsh

---

---

yun qatre mere KHun ke us tegh se guzre
jun fauj ka pul par se ho dushwar utara

Jurat Qalandar Bakhsh

---

---

zahida zohd-o-riyazat ho mubarak tujh ko
kyun ki taqwa se miyan meri to bahbud nahin

Jurat Qalandar Bakhsh

---

---

zahida zohd tu paDha, main ishq
hai meri aur teri kitab mein farq

Jurat Qalandar Bakhsh

---

---

yun uThe wo bazm mein tazim ko ghairon ki hae
ham-nashin tu baiTh yan hum se na baiTha jaega

Jurat Qalandar Bakhsh

---

---

ye aag laga di ki nahin anjum-o-aflak
ye dagh pe hai dagh ye chhaale pe hai chhaala

Jurat Qalandar Bakhsh

---

---