un ka jo farz hai wo ahl-e-siyasat jaanen
mera paigham mohabbat hai jahan tak pahunche

Jigar Moradabadi

---

---

tujhe bhul jaana to mumkin nahin hai
magar bhul jaane ko ji chahta hai

Jigar Moradabadi

---

---

pahle sharab zist thi ab zist hai sharab
koi pila raha hai piye ja raha hun main

Jigar Moradabadi

---

---

sab ko hum bhul gae josh-e-junun mein lekin
ek teri yaad thi aisi jo bhulai na gai

Jigar Moradabadi

---

---

saz-e-ulfat chhiD raha hai aansuon ke saz par
muskurae hum to un ko bad-gumani ho gai

Jigar Moradabadi

---

---

ahat-e-be-KHalish agar mil bhi gai to kya maza
talKHi-e-gham bhi chahiye baada-e-KHush-gawar mein

Jigar Moradabadi

---

---

phul khile hain gulshan gulshan
lekin apna apna daman

Jigar Moradabadi

---

---

na gharaz kisi se na wasta mujhe kaam apne hi kaam se
tere zikr se teri fikr se teri yaad se tere nam se

Jigar Moradabadi

---

---

mujhi mein rahe mujh se mastur ho kar
bahut pas nikle bahut dur ho ka

Jigar Moradabadi

---

---