teri KHushi se agar gham mein bhi KHushi na hui
wo zindagi to mohabbat ki zindagi na hui

Jigar Moradabadi

---

---

tere jamal ki taswir khinch dun lekin
zaban mein aankh nahin aankh mein zaban nahin

Jigar Moradabadi

---

---

teri baaton se aaj to waiz
wo jo thi KHwahish-e-najat gai

Jigar Moradabadi

---

---

teri aankhon ka kuchh qusur nahin
han mujhi ko KHarab hona tha

Jigar Moradabadi

---

---

taswir ke do ruKH hain jaan aur gham-e-jaanan
ek naqsh chhupana hai ek naqsh dikhana hai

Jigar Moradabadi

---

---

sehn-e-chaman ko apni bahaaron pe naz tha
wo aa gae to sari bahaaron pe chha gae

Jigar Moradabadi

---

---

sadaqat ho to dil sinon se khinchne lagte hain waiz
haqiqat KHud ko manwa leti hai mani nahin jati

Jigar Moradabadi

---

---

niyaz o naz ke jhagDe miTae jate hain
hum un mein aur wo hum mein samae jate hain

Jigar Moradabadi

---

---

meri zindagi to guzri tere hijr ke sahaare
meri maut ko bhi pyare koi chahiye bahana

Jigar Moradabadi

---

---