kamal-e-tishnagi hi se bujha lete hain pyas apni
isi tapte hue sahra ko hum dariya samajhte hain

Jigar Moradabadi

---

---

kidhar se barq chamakti hai dekhen ai waiz
main apna jam uThata hun tu kitab uTha

where does lightening strike, priest, let us look
I will raise my glass you raise your holy book

Jigar Moradabadi

---

---

koi ye kah de gulshan gulshan
lakh balaen ek nasheman

Jigar Moradabadi

---

---

kuchh is ada se aaj wo pahlu-nashin rahe
jab tak hamare pas rahe hum nahin rahe

she was in my embrace
I myself was lost as long she stayed with me

Jigar Moradabadi

---

---

kuchh khaTakta to hai pahlu mein mere rah rah kar
ab KHuda jaane teri yaad hai ya dil mera

Jigar Moradabadi

---

---

kucha-e-ishq mein nikal aaya
jis ko KHana-KHarab hona tha

Jigar Moradabadi

---

---

kya bataun kis qadar zanjir-e-pa sabit hue
chand tinke jin ko apna aashiyan samjha tha mein

Jigar Moradabadi

---

---

kya husn ne samjha hai kya ishq ne jaana hai
hum KHak-nashinon ki Thokar mein zamana hai

Jigar Moradabadi

---

---

kya KHabar thi KHalish-e-naz na jine degi
ye teri pyar ki aawaz na jine degi

Jigar Moradabadi

---

---