wo KHalish jis se tha hangama-e-hasti barpa
waqf-e-betabi-e-KHamosh hui jati hai

Jigar Moradabadi

---

---

wo the na mujh se dur na main un se dur tha
aata na tha nazar to nazar ka qusur tha

Jigar Moradabadi

---

---

ye raaz sun rahe hain ek mauj-e-dil-nashin se
Dube hain hum jahan par ubhrenge phir wahin se

Jigar Moradabadi

---

---

zindagi ek hadsa hai aur kaisa hadsa
maut se bhi KHatm jis ka silsila hota nahin

Jigar Moradabadi

---

---

zahid ka dil na KHatir-e-mai-KHwar toDiye
sau bar tauba kijiye sau bar toDiye

Jigar Moradabadi

---

---

yun zindagi guzar raha hun tere baghair
jaise koi gunah kiye ja raha hun main

Jigar Moradabadi

---

---

ye roz o shab ye subh o sham ye basti ye virana
sabhi bedar hain insan agar bedar ho jae

Jigar Moradabadi

---

---

ye mai-KHana hai bazm-e-jam nahin hai
yahan koi kisi se kam nahin hai

Jigar Moradabadi

---

---

ye ishq nahin aasan itna hi samajh lije
ek aag ka dariya hai aur Dub ke jaana hai

Jigar Moradabadi

---

---