ai yaad-e-yar dekh ki ba-wasf-e-ranj-e-hijr
masrur hain teri KHalish-e-na-tawan se hum

Hasrat Mohani

---

---

aarzu teri barqarar rahe
dil ka kya hai raha raha na raha

Hasrat Mohani

---

---

aap ko aata raha mere satane ka KHayal
sulh se achchhi rahi mujh ko laDai aap ki

Hasrat Mohani

---

---

hai mashq-e-suKHan jari chakki ki mashaqqat bhi
ek turfa tamasha hai 'hasrat' ki tabiat bhi

Hasrat Mohani

---

---

iltifat-e-yar tha ek KHwab-e-aghaz-e-wafa
sach hua karti hain in KHwabon ki tabiren kahin

Hasrat Mohani

---

---

'hasrat' ki bhi qubul ho mathura mein haziri
sunte hain aashiqon pe tumhaara karam hai aaj

Hasrat Mohani

---

---

'hasrat' jo sun rahe hain wo ahl-e-wafa ka haal
is mein bhi kuchh fareb teri dastan ke hain

Hasrat Mohani

---

---

'hasrat' bahut hai martaba-e-ashiqi buland
tujh ko to muft logon ne mashhur kar diya

Hasrat Mohani

---

---

haqiqat khul gai 'hasrat' tere tark-e-mohabbat ki
tujhe to ab wo pahle se bhi baDh kar yaad aate hain

Hasrat Mohani

---

---