ah mein miliye kabhi mujh se to az-rah-e-sitam
honT apna kaT kar fauran juda ho jaiye
Hasrat Mohani
pursish-e-haal pe hai KHatir-e-jaanan mail
jurat-e-koshish-e-izhaar kahan se laun
Hasrat Mohani
arsat ke aate hi tauba na rahi baqi
baadal jo nazar aae badli meri niyat bhi
Hasrat Mohani
dekha kiye wo mast nigahon se bar bar
jab tak sharab aai kai daur ho gae
she often looks my way with her intoxicating eyes
many rounds are done even before the wine arrives
Hasrat Mohani
dawa-e-ashiqi hai to 'hasrat' karo nibah
ye kya ke ibtida hi mein ghabra ke rah gae
Hasrat Mohani
chupke chupke raat din aansu bahana yaad hai
hum ko ab tak aashiqi ka wo zamana yaad hai
Hasrat Mohani
chori chori hum se tum aa kar mile the jis jagah
muddaten guzrin par ab tak wo Thikana yaad hai
Hasrat Mohani
chhup nahin sakti chhupane se mohabbat ki nazar
paD hi jati hai ruKH-e-yar pe hasrat ki naza
Hasrat Mohani
chheDa hai dast-e-shauq ne mujh se KHafa hain wo
goya ki apne dil pe mujhe iKHtiyar hai
Hasrat Mohani