mai-kade mein nashsha ki ainak dikhati hai mujhe
aasman mast o zamin mast o dar-o-diwar mast

Haidar Ali Aatish

---

---

main wo gham-dost hun jab koi taza gham hua paida
na nikla ek bhi mere siwa ummid-waron mein

Haidar Ali Aatish

---

---

main us gulshan ka bulbul hun bahaar aane nahin pati
ki sayyaad aan kar mera gulistan mol lete hain

Haidar Ali Aatish

---

---

libas-e-kaba ka hasil kiya sharaf us ne
jo ku-e-yar mein kali koi ghaTa aai

Haidar Ali Aatish

---

---

lage munh bhi chiDhane dete dete galiyan sahab
zaban bigDi to bigDi thi KHabar lije dahan bigDa

Haidar Ali Aatish

---

---

ku-e-jaanan mein bhi ab is ka pata milta nahin
dil mera ghabra ke kya jaane kidhar jata raha

Haidar Ali Aatish

---

---

kucha-e-yar mein ho raushni apne dam ki
kaba o dair karen gabr o musalman aabaad

Haidar Ali Aatish

---

---

kufr o islam ki kuchh qaid nahin ai 'atish'
shaiKH ho ya ki barhaman ho par insan howe

Haidar Ali Aatish

---

---

kuchh nazar aata nahin us ke tasawwur ke siwa
hasrat-e-didar ne aankhon ko andha kar diya

save visions of her, nothing comes to mind
the longing for her sight surely turned me blind

Haidar Ali Aatish

---

---