aap ki nazuk kamar par bojh paDta hai bahut
baDh chale hain had se gesu kuchh inhen kam kijiye

Haidar Ali Aatish

---

---

aaj tak apni jagah dil mein nahin apne hui
yar ke dil mein bhala puchho to ghar kyun-kar karen

Haidar Ali Aatish

---

---

aafat-e-jaan hui us ru-e-kitabi ki yaad
ras aaya na mujhe hafiz-e-quran hona

Haidar Ali Aatish

---

---

aadmi kya wo na samjhe jo suKHan ki qadr ko
nutq ne haiwan se musht-e-KHak ko insan kiya

Haidar Ali Aatish

---

---

ilahi ek dil kis kis ko dun main
hazaron but hain yan hindostan hai

Haidar Ali Aatish

---

---

koi but-KHane ko jata hai koi kabe ko
phir rahe gabr o musalman hain teri ghat mein kya

Haidar Ali Aatish

---

---

kisi ne mol na puchha dil-e-shikasta ka
koi KHarid ke TuTa piyala kya karta

Haidar Ali Aatish

---

---

kisi ki mahram-e-ab-e-rawan ki yaad aai
habab ke jo barabar kabhi habab aaya

Haidar Ali Aatish

---

---

KHuda daraaz kare umr charKH-e-nili ki
ye bekason ke mazaron ka shamiyana hai

Haidar Ali Aatish

---

---