na pak hoga kabhi husn o ishq ka jhagDa
wo qissa hai ye ki jis ka koi gawah nahin
Haidar Ali Aatish
mast hathi hai teri chashm-e-siyah-mast ai yar
saf-e-mizhgan use ghere hue hai bhaalon se
Haidar Ali Aatish
mehndi lagane ka jo KHayal aaya aap ko
sukhe hue daraKHt hina ke hare hue
Haidar Ali Aatish
meri tarah se mah-o-mahr bhi hain aawara
kisi habib ki ye bhi hain justuju karte
Haidar Ali Aatish
na gor-e-sikandar na hai qabr-e-dara
miTe namiyon ke nishan kaise kaise
Haidar Ali Aatish
na jab tak koi ham-pyala ho main mai nahin pita
nahin mehman to faqa hai KHalilullah ke ghar mein
Haidar Ali Aatish
payambar na mayassar hua to KHub hua
zaban-e-ghair se kya sharh-e-arzu karte
Haidar Ali Aatish
qamat teri dalil qayamat ki ho gai
kaam aaftab-e-hashr ka ruKHsar ne kiya
Haidar Ali Aatish
payam-bar na mayassar hua to KHub hua
zaban-e-ghair se kya sharh-e-arzu karte
Haidar Ali Aatish

