پہنچے اس کو سلام میرا
بھولے سے نہ لے جو نام میرا
حفیظ جونپوری
قید میں اتنا زمانہ ہو گیا
اب قفس بھی آشیانہ ہو گیا
having been in prison all these years
to me this cage a haven now appears
حفیظ جونپوری
پی لو دو گھونٹ کہ ساقی کی رہے بات حفیظؔ
صاف انکار سے خاطر شکنی ہوتی ہے
حفیظ جونپوری
پی کر دو گھونٹ دیکھ زاہد
کیا تجھ سے کہوں شراب کیا ہے
حفیظ جونپوری
پری تھی کوئی چھلاوا تھی یا جوانی تھی
کہاں یہ ہو گئی چمپت جھلک دکھا کے مجھے
حفیظ جونپوری
مری شراب کی توبہ پہ جا نہ اے واعظ
نشے کی بات نہیں اعتبار کے قابل
حفیظ جونپوری
لٹ گیا وہ ترے کوچے میں دھرا جس نے قدم
اس طرح کی بھی کہیں راہزنی ہوتی ہے
حفیظ جونپوری
مرے بت خانے سے ہو کر چلا جا کعبے کو زاہد
بظاہر فرق ہے باطن میں دونوں ایک رستے ہیں
حفیظ جونپوری
قسم نباہ کی کھائی تھی عمر بھر کے لیے
ابھی سے آنکھ چراتے ہو اک نظر کے لیے
حفیظ جونپوری