قسم نباہ کی کھائی تھی عمر بھر کے لیے
ابھی سے آنکھ چراتے ہو اک نظر کے لیے

حفیظ جونپوری

---

---

پی لو دو گھونٹ کہ ساقی کی رہے بات حفیظؔ
صاف انکار سے خاطر شکنی ہوتی ہے

حفیظ جونپوری

---

---

پی کر دو گھونٹ دیکھ زاہد
کیا تجھ سے کہوں شراب کیا ہے

حفیظ جونپوری

---

---

پری تھی کوئی چھلاوا تھی یا جوانی تھی
کہاں یہ ہو گئی چمپت جھلک دکھا کے مجھے

حفیظ جونپوری

---

---

پہنچے اس کو سلام میرا
بھولے سے نہ لے جو نام میرا

حفیظ جونپوری

---

---

او آنکھ بدل کے جانے والے
کچھ دھیان کسی کی عاجزی کا

حفیظ جونپوری

---

---

مری شراب کی توبہ پہ جا نہ اے واعظ
نشے کی بات نہیں اعتبار کے قابل

حفیظ جونپوری

---

---

مرے بت خانے سے ہو کر چلا جا کعبے کو زاہد
بظاہر فرق ہے باطن میں دونوں ایک رستے ہیں

حفیظ جونپوری

---

---

لٹ گیا وہ ترے کوچے میں دھرا جس نے قدم
اس طرح کی بھی کہیں راہزنی ہوتی ہے

حفیظ جونپوری

---

---