pahunche us ko salam mera
bhule se na le jo nam mera

Hafeez Jaunpuri

---

---

qaid mein itna zamana ho gaya
ab qafas bhi aashiyana ho gaya

having been in prison all these years
to me this cage a haven now appears

Hafeez Jaunpuri

---

---

pi lo do ghunT ki saqi ki rahe baat 'hafiz'
saf inkar se KHatir-shikani hoti hai

Hafeez Jaunpuri

---

---

pi kar do ghunT dekh zahid
kya tujh se kahun sharab kya hai

Hafeez Jaunpuri

---

---

pari thi koi chhalawa thi ya jawani thi
kahan ye ho gai champat jhalak dikha ke mujhe

Hafeez Jaunpuri

---

---

meri sharab ki tauba pe ja na ai waiz
nashe ki baat nahin e'tibar ke qabil

Hafeez Jaunpuri

---

---

luT gaya wo tere kuche mein dhara jis ne qadam
is tarah ki bhi kahin rahzani hoti hai

Hafeez Jaunpuri

---

---

mere but-KHane se ho kar chala ja kabe ko zahid
ba-zahir farq hai baatin mein donon ek raste hain

Hafeez Jaunpuri

---

---

qasam nibah ki khai thi umr bhar ke liye
abhi se aankh churaate ho ek nazar ke liye

Hafeez Jaunpuri

---

---