aat karne ki shab-e-wasl ijazat de do
mujh ko dam bhar ke liye ghair ki qismat de do

Bekhud Dehlvi

---

---

di qasam wasl mein us but ko KHuda ki to kaha
tujh ko aata hai KHuda yaad hamare hote

Bekhud Dehlvi

---

---

chashm-e-bad-dur wo bhole bhi hain nadan bhi hain
zulm bhi mujh pe kabhi soch-samajh kar na hua

Bekhud Dehlvi

---

---

chalne ki nahin aaj koi ghat kisi ki
sunne ke nahin wasl mein hum baat kisi ki

Bekhud Dehlvi

---

---

ole wo muskura ke bahut iltija ke baad
ji to ye chahta hai teri man jaiye

Bekhud Dehlvi

---

---

hule se kaha man bhi lete hain kisi ka
har baat mein takrar ki aadat nahin achchhi

Bekhud Dehlvi

---

---

'beKHud' zarur raat ko soe ho pi ke tum
ye to kaho namaz paDhi ya qaza hui

Bekhud Dehlvi

---

---

'beKHud' to mar miTe jo kaha us ne naz se
ek sher aa gaya hai hamein aap ka pasand

Bekhud Dehlvi

---

---

aat wo kahiye ki jis baat ke sau pahlu hon
koi pahlu to rahe baat badalne ke liye

Bekhud Dehlvi

---

---