ho liye jis ke ho liye 'beKHud'
yar apna to ye hisab raha

Bekhud Dehlvi

---

---

kuchh tarah rindon ne di kuchh mohtasib bhi dab gaya
chheD aapas mein sar-e-bazar ho kar rah gai

Bekhud Dehlvi

---

---

koi is tarah se milne ka maza milta hai
upri dil se wo milta hai to kya milta hai

Bekhud Dehlvi

---

---

jhuTa jo kaha main ne to sharma ke wo bole
allah bigaDe na bani baat kisi ki

Bekhud Dehlvi

---

---

jawab soch ke wo dil mein muskuraate hain
abhi zaban pe meri sawal bhi to na tha

Bekhud Dehlvi

---

---

jadu hai ya tilism tumhaari zaban mein
tum jhuT kah rahe the mujhe e'tibar tha

Bekhud Dehlvi

---

---

is jabin-e-araq-afshan pe na chuniye afshan
ye sitare kahin mil jaen na sayyaron mein

Bekhud Dehlvi

---

---

ijazat mangti hai duKHt-e-raz mahfil mein aane ki
maza ho shaiKH-sahib kah uThen be-iKHtiyar aae

Bekhud Dehlvi

---

---

huron se na hogi ye mudaraat kisi ki
yaad aaegi jannat mein mulaqat kisi ki

Bekhud Dehlvi

---

---