husn ki shart-e-wafa jo Thahri tesha o sang-e-giran ki baat
hum hon ya farhad ho aaKHir aashiq to mazdur raha

Aziz Hamid Madni

---

---

abhi to kuchh log zindagi mein hazar sayon ka ek shajar hain
unhin ke sayon mein qafile kuchh Thahar gae be-qayam kahna

Aziz Hamid Madni

---

---

gahre surKH gulab ka andha bulbul sanp ko kya dekhega
pas hi ugti nag-phani thi sare phul wahin milte hain

Aziz Hamid Madni

---

---

ek taraf ru-e-jaanan tha jalti aankh mein ek taraf
sayyaron ki rakh mein milti raat thi ek bedari ki

Aziz Hamid Madni

---

---

do gaz zamin fareb-e-watan ke liye mili
waise to aasman bhi bahut hain zamin bahut

Aziz Hamid Madni

---

---

dilon ki uqda-kushai ka waqt hai ki nahin
ye aadmi ki KHudai ka waqt hai ki nahin

Aziz Hamid Madni

---

---

aiTho ji ka bojh utaren donon waqt yahin milte hain
dur dur se aane wale raste kahin kahin milte hain

Aziz Hamid Madni

---

---

ahaar chaak-e-gireban mein Thahr jati hai
junun ki mauj koi aastin mein hoti hai

Aziz Hamid Madni

---

---

alag siyasat-e-darban se dil mein hai ek baat
ye waqt meri rasai ka waqt hai ki nahin

Aziz Hamid Madni

---

---