lagae piTh baiThi sochti rahti thi main jis se
wahi diwar lafzon ki achanak aa rahi mujh pa

Aziz Bano Darab Wafa

---

---

kuredta hai bahut rakh mere mazi ki
main chuk jaun to wo ungliyan jala lega

Aziz Bano Darab Wafa

---

---

koi mausam meri ummidon ko ras aaya nahin
fasl andhiyaron ki kaTi aur diye boti rahi

Aziz Bano Darab Wafa

---

---

aaina-KHane mein khinche liye jata hai mujhe
kaun meri hi adalat mein bulata hai mujhe

Aziz Bano Darab Wafa

---

---

KHwab darwazon se daKHil nahin hote lekin
ye samajh kar bhi wo darwaza khula rakkhega

Aziz Bano Darab Wafa

---

---

kahne wala KHud to sar takiye pe rakh kar so gaya
meri be-chaari kahani raat bhar roti rahi

Aziz Bano Darab Wafa

---

---

jin ko diwar-o-dar bhi Dhak na sake
is qadar be-libas hain kuchh log

Aziz Bano Darab Wafa

---

---

jab kisi raat kabhi baiTh ke mai-KHane mein
KHud ko banTega to dega mera hissa mujh ko

Aziz Bano Darab Wafa

---

---

jaane kitne raaz khulen jis din chehron ki rakh dhule
lekin sadhu-santon ko dukh de kar pap kamae kaun

Aziz Bano Darab Wafa

---

---