gae mausam mein main ne kyun na kaTi fasl KHwabon ki
main ab jagi hun jab phal kho chuke hain zaiqa apna

Aziz Bano Darab Wafa

---

---

fasana-dar-fasana phir rahi hai zindagi jab se
kisi ne likh diya hai taq-e-nisyan par pata apna

Aziz Bano Darab Wafa

---

---

ek muddat se KHayalon mein basa hai jo shaKHs
ghaur karte hain to us ka koi chehra bhi nahin

Aziz Bano Darab Wafa

---

---

hamari bebasi shahron ki diwaron pe chipki hai
hamein DhunDegi kal duniya purane ishtihaaron mein

Aziz Bano Darab Wafa

---

---

charaghon ne hamare sae lambe kar diye itne
sawere tak kahin pahunchenge ab apne barabar hum

Aziz Bano Darab Wafa

---

---

charagh ban ke jali thi main jis ki mahfil mein
use rula to gaya kam se kam dhuan mera

Aziz Bano Darab Wafa

---

---

chaman pe bas na chala warna ye chaman wale
hawaen bechte nilam rang-o-bu karte

Aziz Bano Darab Wafa

---

---

ujha ke rakh gaya hai kaun mujh ko taq-e-nisyan par
mujhe andar se phunke de rahi hai raushni meri

Aziz Bano Darab Wafa

---

---

ichhaD ke bhiD mein KHud se hawason ka wo aalam tha
ki munh khole hue takti rahin parchhaiyan hum ko

Aziz Bano Darab Wafa

---

---