sunne wale mera qissa tujhe kya lagta hai
chor darwaza kahani ka khula lagta hai

Aziz Bano Darab Wafa

---

---

shiw to nahin hum phir bhi hum ne duniya bhar ke zahr piye
itni kaDwahaT hai munh mein kaise miThi baat karen

Aziz Bano Darab Wafa

---

---

dhup meri sari rangini uDa le jaegi
sham tak main dastan se waqia ho jaungi

Aziz Bano Darab Wafa

---

---

hum se ziyaada kaun samajhta hai gham ki gahrai ko
hum ne KHwabon ki miTTi se paTa hai is khai ko

Aziz Bano Darab Wafa

---

---

hum ne sab ko muflis pa ke toD diya dil ka kashkol
hum ko koi kya de dega kyun munh-dekhi baat karen

Aziz Bano Darab Wafa

---

---

hum ne sara jiwan banTi pyar ki daulat logon mein
hum hi sara jiwan tarse pyar ki pai pai ko

Aziz Bano Darab Wafa

---

---

hum mata-e-dil-o-jaan le ke bhala kya jaen
aisi basti mein jahan koi luTera bhi nahin

Aziz Bano Darab Wafa

---

---

hum hain ehsas ke sailab-zada sahil par
dekhiye hum ko kahan le ke kinara jae

Aziz Bano Darab Wafa

---

---

hum aise surma hain laD ke jab haalat se palTe
to baDh ke zindagi ne pesh kin baisakhiyan hum ko

Aziz Bano Darab Wafa

---

---